საქართველოს ჩემპიონატის გამარჯვებულები შშმ პირთა შორის

საქართველოსა და აჭარის ჭადრაკის ფედერაციის ორგანიზებით, აჭარის სპორტის დეპარტამენტის ფინანსური მხარდაჭერით, 14-18 ივნისს, მუხრან ვახტანგაძის სახელობის ბათუმის სპორტის სასახლე უკვე მეორედ მასპინძლობდა საქართველოს ქალთა და ვაჟთა ჩემპიონატს შშმ პირთა შორის.

ტურნირში დაითვალა ფიდეს რეიტინგი და წრიული სისტემით 7 ტურად ჩატარდა.

დროის კონტროლი: თითოეულ მონაწილეს მიეცა 45 წუთი პარტიის ბოლომდე, ყოველ სვლაზე (პირველი სვლიდან) 30 წამის დამატებით.

აღსანიშნავია, რომ გათამაშებული 6 მედლიდან, 3 აჭარის წარმომადგენლებმა მოიპოვეს.

ვაჟთა შორის გამარჯვებულები:

1. ლერი ტალიკაძე (ქუთაისი) 7-დან 6.5 ქულა
2. ბადრი ბოლქვაძე (ბათუმი) 7-დან 6 ქულა
3. რომან წითელაძე (ქედა) 7-დან 3 ქულა

ქალთა შორის გამარჯვებულები:

1. ანანო გოგონაძე (ქუთაისი) 7-დან 5 ქულა
2. ანნა მგელაძე (ბათუმი) 7-დან 2.5 ქულა
3. მარგალიტა ნათელაური (თბილისი) 7-დან 2 ქულა

დაჯილდოება:

 I, II, III  საპრიზო ადგილზე გასული მოჭადრაკეები, როგორც ვაჟთა, ასევე ქალთა შორის, დაჯილდოვდნენ  მედლებით, დიპლომებითა და თასით.

ასევე, ტურნირის ყველა მონაწილეს გადაეცა ფასიანი სამახსოვრო საჩუქრები.

ტურნირის დირექტორი: საერთაშორისო დიდოსტატი – სალომე მელია